Mühafizə olunan bitkilərin məhvi ilə bağlı cinayət işi başlanıb-PROKURORLUQ

Sabirabad rayonu, Cavad kəndi ərazisində Kür çayının mühafizə zolağında yulğun kollarının kəsilərək məhv edilməsi ilə bağlı Sabirabad rayon prokurorluğuna daxil olmuş material əsasında araşdırma aparılıb

Bu barədə Baş Prokurorluq məlumat yayıb.
 
Araşdırmalarla Dəllər kəndinin bir neçə sakininin noyabrın 24-də Kür çayının mühafizə zolağına ərazidə olan 47 ədəd yulğun kolunu kəsmələri, təbitətə ümumilikdə 3 min 760 manat məbləğində maddi ziyan vurmalarına dair əsaslı şübhələr müəyyən edilib.

Faktla bağlı Sabirabad Rayon Prokurorluğunda Cinayət Məcəlləsinin 259.3-cü (meşələrdə və ya xüsusi mühafizə olunan təbiət ərazilərində ağacların, kolların və ya digər yaşıllıqların qanunsuz kəsilməsi qabaqcadan əlbir olan bir qrup şəxs və ya mütəşəkkil dəstə tərəfindən törədildikdə) maddəsi ilə cinayət işi başlanıb.  Hazırda istintaq davam edir.
 
Lida Abbaslı 

www.anews.az