Sertfikasıyadan keçməyən 20 faiz müəllim heç bir sualın cavabını bilmir - NAZİR

Sertfikasiyadan keçməyən 20 faiz müəllim var ki, onlara nə sual versən cavab verə bilməyəcəklər. Bunu Milli Məclisin bu gün keçirilən "Dövlət ümumtəhsil müəssisələrində işləyən təhsilverənlərin sertifikatlaşdırılması” mövzusunda ictimai dinləmə zamanı nazir Emin Əmrullayev deyib.

"Sertfikasiyadan keçməyən müəllimlər üçün təlimlər keçirilir. Amma bəzi müəllimlər var ki, təlimlərdə iştirak etməsinə baxmayaraq imtahandan keçə bilmirlər. Onlara hansı sual verilsə də cavab verə bilməyəcəklər”, - nazir bildirib.

Emin Əmrullayevin sözlərinə görə növbəti il 7 min müəllim sertfikasiya imtahanına cəlb olunacaq. 

Təhsil naziri siniflərdə uşaq sayının çox olmasını dərsin kefiyyəti ilə heç bir əlaqəsi olmadığını da vurğulayıb.

"Sinifdə şagird sayının çox olması dərsin kefiyyətinə təsir edə bilməz. Məsələn nəticələrə baxsaq görərik ki, mərkəzdə şagir sayı çox olan sinifin şagirdlərinin nəticələri daha yaxşıdır. Amma hər hansı bölgədə sinifdə oxuyan 10-12 şagird nəticəsi isə çox aşağıdır. Ona görə də bu problem deyil. Amma texniki baxımdan şagirdlərin sayının çox olması yaxşı hal sayılmır” – nazir bildirib.

Emin Əmrullayev ali məktəbdə müəllimlərin də sertfikasıya imtahanından keçirilməsinə münasibət olaraq deyib ki, buna hələ ki ehtiyac duyulmur. 




www.anews.az