Dayanıqlı İnkişaf Festivalı” yenidən başlayır

PAŞA Holding-in dəstəyi ilə dayanıqlı inkişafa çatımlılıq prosesində qadınların innovativ təşəbbüslərini və zorakılıqla mübarizədə onların iqtisadi azadlıqlarının əhəmiyyətini vurğulmaqla, 2 gün keçiriləcək multidisiplinar festivalın əsas məqsədi qadınların dayanıqlı təşəbbüslərini və sahibkarlıq fəaliyyətini dəstəkləmək, həyatlarının müxtəlif mərhələlərində zorakılıqla üzləşmiş qadınların sosiuma reinteqrasiyasını sürətləndirmək, həmçinin, mövcud fəaliyyətlərin davamlılığının təmin olunması üçün bilik və bacarıqlarının artırılması ilə yanaşı dəstək mexanizmlərinin genişləndirilməsinə təkan verməkdir.
 
 
Festivalda 2 gün ərzində qadın sahibkarların festivaldan sonrakı fəaliyyətlərində daha effektiv satış bacarıqlarına yiyələnmələri və öz iqtisadi imkanlarını daha da genişləndirmələrinə dəstək olmaq məqsədilə biznes etikası və satış texnologiyalarından istifadə imkanları, brendinq, sosial mediadan səmərəli istifadə, sahibkarlığın hüquqi aspektləri və dayanıqlı maliyyə menecmenti kimi mövzuları əsasında təlimlər, seminarlar və vörkşoplar həyata keçiriləcək.
 
Festivalın açılış mərasimi BMT-nin Azərbaycandakı nümayəndəsi Vladanka Andreyeva, AQUPDK-nin sədri Bahar Muradova və bir neçə səfirlərin çıxışları ilə baş tutacaq.
 
Festival  17-18 dekabr Landmark Biznes Mərkəzinin "Qaya” zalında keçiriləcək.


www.anews.az