Azərbaycanda yaşayan ukraynalıların sayı açıqlanıb

Ukraynada baş verən müharibəyə görə, hazırda Azərbaycanda 7036 Ukrayna vətəndaşı yaşayır.  Bunu Dövlət Miqrasiya Xidmətinin (DMX) rəisi Vüsal Hüseynov jurnalistlərə açıqlamasında bildirib.

 

Ukraynadan və digər silahlı münaqişə olan ərazilərdən qaçıb gəlmiş şəxslər hələlik qaçqın statusu ilə təmin olunmayıblar. Onların yarısından bir qədər çoxu 24 fevraldan sonra Azərbaycana gələnlərdir. Qanunvericilik icazə verir ki, onlar 90 gün Azərbaycan ərazisində məskunlaşsınlar. Bu müddət onlar ölkədən getmədiyi təqdirdə avtomatlaşdırılmış şəkildə uzadılır. 

 

Xidmət rəisi əlavə edib ki, İrandan da Azərbaycana gələnlər az deyil.
 
"Onların dəqiq statistikası bəlli deyil. Onlar hava yolu ilə ölkəmizə daxil olurlar”- xidmət rəisi bildirib.

 

 

Aytac