Azərbaycan Şərqi Zəngəzurda 29 min hektar ərazini minadan təmizləyib

Azərbaycan  Qarabağda və Şərqi Zəngəzurda 29 min hektardan çox ərazini minalardan təmizləyib. Bu barədə Azərbaycan  Müdafiə Nazirliyi məlumat yayıb.

Azərbaycan Müdafiə Nazirliyinin mina təmizləyənləri işğaldan azad edilmiş 29 min hektardan çox ərazini minalardan təmizləyib.

"Bu il Azərbaycan ordusunun mühəndis-istehkam hissələrinin işğaldan azad edilmiş ərazilərdəki fəaliyyəti nəticəsində 15,62 min hektara qədər ərazi mina və partlamamış hərbi sursatlardan tamamilə təmizlənib. Mühəndis-istehkam bölmələri tərəfindən işğaldan azad edilmiş ərazilərdə bu günədək 29,113 min hektardan çox ərazi mina və partlamamış hərbi sursatlardan təmizlənib”, - Müdafiə Nazirliyinin məlumatında deyilir.

Ümumilikdə 10185 min piyada əleyhinə, 258 min tank əleyhinə və 10445 min ədəd partlamamış hərbi sursat aşkar edilərək məhv edilib.

Müdafiə Nazirliyi bildirib ki, əsas səylər işğaldan azad edilmiş ərazilərdə yaşayış məntəqələrinin, əkin sahələrinin, yolların və infrastruktur obyektlərinin minalardan təmizlənməsinə yönəlib.