Ələkrəm Hümbətov vəfat edib
22.12.2022 13:45
Separatçılıqda ittiham olunan Ələkram Hümbətov Hollandiyanın Haaqa şəhərində 74 yaşında vəfat edib. Bu barədə Hollandiyada yaşayan azərbaycanlılar məlumat verib.
Onun müalicə aldığı xəstəxanada öldüyü bildirilir.
Ələkrəm Hümmətov 1993-cü ilin avqustunda ölkədə mövcud olan gərginlik zamanı Cənubda yerləşdirilmiş hərbi hissələri, icra aparatı və hüquq-mühafizə orqanlarına tabeçiliyi ələ keçirib.
Daha sonra Azərbaycanın tərkibində "Talış-Muğan Respublikası"nın yaradıldığını elan edib və mərkəzi hakimiyyətlə güc mövqeyindən dialoq aparmağa cəhd göstərib.
O, Azərbaycan Xalq Cəbhəsınin təsisçilərindən biri və idarə heyətinin üzvü olub. Onun təşəbbüsü ilə AXC-nin Lənkəran şöbəsi talışların kompakt yaşadığı 7 rayona muxtariyyət verilmə iddiası qaldırılıb.
Azərbaycan Respublikasının ərazi bütövlüyü əleyhinə, milli maraqlarına zidd olan mövqeyinə və Ermənistan Respublikası ilə sıx əlaqələrinə görə Azərbaycan vətəndaşlığından çıxarılıb və 2004-cü ildən Hollandiyada mühacirətdə yaşayıb.
Lida Abbaslı
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
