Deputat təhsil nazirinə səsləndi - O müəllimi işə qaytarın

"Müəllimlərin üzərinə çox düşmüşük. Bir neçə gün öncə 30 illin müəllimini şagirdə sillə vurduğu üçün işdən qovublar. Şiddətə qarşıyam, hesab edirəm o müəllimə töhmət verilməklə cəza tətbiq etmək olardı. Heç kim də o müəllimin hüququnu qorumur. Müəllimləri belə uzaqlaşdırmaq olmaz. İndi valideyn müəllimlərə qul kimi baxır. Sanki nə istəsələr edə bilərlər. Keçmişdə nadinc şagirdləri məktəbdən qovardılar və onlar üçün ayrıca məktəb olardı. Həmin şagirdlər elə tərbiyə alardılar ki, onlarına rasında vəzifə sahibləri olanlar da olardı. İndi şagird müəllimin başına çıxır. Şagirdin əlindəki telefon müəllimin 4-5 aylıq maaşına bərabərdir. Buradan nazirə səslənirəm ki, kişi müəllimlərin qıtlığı olduğu bir zamanda həmin müəllimi işə qaytarsın"- deputat bildirib. 

 

Aqil Abbas həmçinin ibtidai sinif uşaqlarının çantalarının çox ağır olmasına narazılığını bildirib. 

 

"dəfələrlə bu barədə danışmağa baxmayaraq problem həllini tapmır. Uşaqlar gələcəkdə qozbel olacaq. Nə qədər deməyimizə baxmayaraq yenə eyni şeydir- köhnə hamam,köhnə tas. Orta məktəb çantası bu ağırlıqda ola bilməz"- deputat söyləyib. 

 

Deputat Etibar Əliyev Aqil Abbasa cavab olaraq bildirib ki, həmin müəllimin məktəbdə bununla bağlı hər hansı qərarın olmasını gözləmədən özü ərziə yazaraq işdən çıxıb. 

 

"Təhsil haqqında" qanunun müzakirəsi zamanı deputat Fəzail Ağamalı təklif edib ki, bu qanun Parlamentin növbəti sessiyasında yenidən işlənib hazırlanmalıdır.

 

"Bu qanun yenidən hazırlanmaııdır. Bu gün repititorlar təhsilin evini yıxıb. Bütün dünyada bir imtahan verirlər. Bizdə isə bu qarışıq məsələyə çevrilib"- deputat deyib.

 

Fəzail Ağamalı Parlamentin spikeri Sahibə Qafarovadan xahiş edərək bildirib ki, bununla bağlı qərar qəbul etsin.

 

Spiker Elm və Təhsil Komitəsinin sədri Bəxtiyar Əliyevə təklif edib ki, bu qanunla bağlı dinləmələr keçirilsin. 

 

Deputat Sabir Rüstəmxanlı da "təhsil haqqında" qanunla bağlı bir neçə təkliflərini irəli sürüb.