Rasim Məmmədov 14 il müddətinə azadlıqdan məhrum edilib
28.12.2022 16:25
"Baku Steel Company” şirkətinin sabiq rəhbəri Rasim Məmmədova hökm oxunub və o, 14 il müddətinə azadlıqdan məhrum edilib.
İttihamda "Baku Steel Company” MMC 2009-cu ilin avqustunda qeydiyyatdan keçdiyi göstərilib.
Rasim Məmmədov 2021-ci il yanvarın 28-nə qədər şirkətin Müşahidə Şurasının sədri olub. O, zavoda rəhbərlik etdiyi dövrdə vəzifə səlahiyyətlərindən sui-istifadə edib, sənədlərə yalan məlumatlar daxil etməkdə, o cümlədən rəqəmləri şişirtməklə, başqa şəxslərin adına şirkətlər yaratmaqda, "Baku Steel Company”nin mallarını həmin şirkətlərə daha aşağı qiymətlərlə satmaqda, "Baku Steel Company”nin məhsullarını öz obyekt və yaşayış binalarına sərf etməkdə ittiham olunur.
O, 2021-ci ilin yanvarından həbsdədir və Dövlət Təhlükəsizliyi Xidmətinin (DTX) istintaq təcridxanasında saxlanılır
Rasim Məmmədov nə ibtidai istintaq zamanı, nə də məhkəmədə ona edilən ittihamları qəbul etməyib və məhkəmə boyu pulların başqası tərəfindən mənimsənildiyini deyib.
Məhkəmənin hazırlıq iclasında vəkil Elçin Sadıqov şirkətə şərik olmuş Bəylər Əyyubovun, qardaşının və Ramiz Mehdiyevin məhkəməyə şahid kimi dəvət olunaraq dindirilməsi barədə vəsatət qaldırandan sonra sentyabrın 11-də Cinayət Məcəlləsinin "külli miqdarda rüşvət alma" maddəsi ilə 4 ay müddətinə həbs olunub və hazırda ev dustaqlığındadır.
Lida Abbaslı
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
