“TikTok”da saxta elanlar verib vətəndaşları aldatdı

"TikTok”da elanlar verərək telefon almaq istəyən şəxsləri aldadan şəxs saxlanılıb.

Daxili İşlər Nazirliyinin Mətbuat Xidmətindən verilən məlumata görə, Nihat Qurbanov "TikTok” sosial şəbəkəsində bahalı mobil telefonları dəyərindən ucuz qiymətə satdığı barədə elanlar yerləşdirib. Ona müraciət edənlərdən beh adı altında müxtəlif məbləğlərdə pul alaraq həmin şəxsləri aldadıb. O, ifadəsində bu yolla təqribən 45-50 nəfəri aldatdığını və pul aldığı şəxsləri sonradan onunla əlaqə saxlamamaları üçün bloka atdığını bildirib.