Fənn olimpiadalarının nəticələri açıqlanıb

Respublika fənn olimpiadalarının rayon (şəhər) mərhələsinin nəticələri açıqlanıb.
 
Elm və Təhsil Nazirliyindən bildirilib ki, şagirdlər nəticələri ilə www.portal.edu.az saytındakı şəxsi kabinetləri və ya təhsil aldıqları ümumi təhsil müəssisələri vasitəsilə tanış ola bilərlər.
 
Rayon (şəhər) mərhələsinin nəticələri ilə bağlı ərizələr 3 iş günü ərzində qəbul edilir. Müraciətlər [email protected] elektron ünvanına yazılı şəkildə göndərilməlidir.
 
Növbəti mərhələ informatika fənni üzrə fevralın 18-də, digər fənlər üzrə fevralın 25-də keçiriləcək.
 
Növbəti mərhələdə iştirak üçün buraxılış vərəqələrinin yüklənməsi fevralın 1-dən 15-dək www.portal.edu.az saytı vasitəsilə həyata keçiriləcək.

www.anews.az