Son 1 ildə nə qədər vətəndaş həkim müayinəsində olub? - SORĞU

 

Sorğu iştirakçıları arasında dövlət sektorunda işləyənlərin 44.7%-i, təqaüdçülərin 46.4%-i, özəl sektorda (muzdlu) çalışanların 31.6%-i, fərdi əmək fəaliyyəti ilə məşğul olanların 31.8%-i son üç ayda həkim müayinəsindən keçdklərini deyiblər. 

Dünya Səhiyyə Təşkilatının 2022-ci il üzrə məlumatlarına görə, dünya əhalisinin 30%-i üçün ilkin səhiyyə xidmətləri hələ də əlçatan deyil. Həmçinin dünya əhalisinin 25%-dən çoxu yoxsullaşdırıcı, ağır səhiyyə xərcləri ilə üz-üzədir.

Azərbaycanda 1 aprel 2021-ci il tarixindən etibarən bütün vətəndaşlar tibbi sığorta üzrə xidmətlərdən tam ödənişsiz istifadə edə bilir. 

 

İcbari Tibbi Sığorta üzrə Dövlət Agentliyinin 2022-ci ilin yanvar-noyabr ayları üzrə məlumatlarına əsasən, bu dövr ərzində dövlət tibb müəssisələrinə 4 milyon 350 min nəfərdən çox şəxs müraciət edib. Səhiyyə sahəsinə qanunvericilik aktlarına görə, təhsil alanlar, hərbi qulluqçular, eləcə də əmək fəaliyyəti ilə məşğul olanlar işə qəbul edilərkən və sonrakı dövrdə məcburi dövri tibbi müayinədən keçirilir.