Bəxtiyar Hacıyev yenidən aclıq aksiyasına başlayıb

Apelyasiya məhkəməsi hazırda həbsdə olan ictimai fəal Bəxtiyar Hacıyevin ev dustaqlığına buraxılması ilə bağlı müraciətini təmin etmədiyindən o,yenidən aclıq aksiyasına başlayıb. Bu barədə hüquq müdafiəçisi Rüfət Səfərov məlumat verib. 

 

Bəxtiyar Hacıyev dekabrın 9-da xuliqanlıq və məhkəməyə qarşı hörmətsizlik ittihamı ilə saxlanılıb. Elə həmin gün Xətai Rayon Məhkəməsi onu 1 ay 20 gün müddətinə həbs edib.

 

Daha əvvəl dekabrın 15-də Apellyasiya Məhkəməsi Hacıyevin şikayətini təmin etməyib. Bundan sonra  o, iclasda azad edilməsi tələbi ilə aclığa başladığını elan edib.

Dekabrın 29-da isə ictimai fəalın vəkili Aqil Layıc Bəxtiyar Hacıyevin ailə üzvlərinin, ictimaiyyətin və vəkillərinin fikrini nəzərə alaraq aclıq aksiyasını dayandırdığını açıqlayıb.