Azərbaycanda sosial mediadan istifadə edən şəxslərin sayı açıqlanıb

Ötən il Azərbaycan əhalisinin 72,2%-i sosial mediadan istifadə edib, 1,6 milyon isə "Facebook" istifadəçisi olub. Bu barədə Sosial Tədqiqatlar Mərkəzinin rəy sorğusundan bildirilib.

 

Bildirilib ki, ölkədə "Facebook” istifadəçilərinin 30,1%-i qadın, 69,9%-i kişi olub.

 

"GlobalStats”-ın məlumatına görə, "İnstagram” və "YouTube” istifadəçiləri ötən ilin sonundan etibarən üstünlük təşkil edib.

Aparılan sorğu nəticəsində istifadəçilərinin 43,6%-i "YouTube”, "35,8%-i "İnstagram”, 26,5%-i "Facebook”, 25,0%-i "TikTok”, 6,4%-i isə "Twitter” platformalarından istifadə etdiyi məlum olub.

 

Sorğu nəticələrinə əsasən, insanların 27,8%-i heç bir sosial media platformasından istifadə etmədiyini bildirib ki, onların da əsas hissəsi (60.8%-i) yaşı 65-dən yuxarı olan şəxslərdir.

Ali təhsillilərin 82,3%-i, orta təhsillilərin isə 66,7%-i sosial media istifadəçisi olduğu məlum olub.

Respondentlərin orta hesabla 42,5%-i 1 saata qədər, 38,9%-i 1-3 saat, 9,6%-i 3-5 saat, 8,6%-i gün ərzində 5 saatdan çox vaxt keçirdiklərini bildirib.

 

 

Aytac