Deputatlar rezidentlərlə bağlı problemləri müzakirə etdi

Azərbaycanda hər xəstəxanaya rezident göndərmək olmaz. Bunu Milli Məclisin bu gün keçirilən Səhiyyə Komitəsinin iclasında komitə sədri Əhliman Əmiraslanov deyib.


"İlkin olaraq 31 xəstəxanaya rezindet göndərilməsi nəzərdə tutulmuşdu. Azərbaycanda imkanları məhdud xəstəxanalara rzidentlərin göndərilməsi doğru deyil, amma biz bunu müşahidə edirik. Məndə olan məlumata görə Azərbaycanda indi özəl klinikalar rezidentlərlə müqavilə imzalayıb onlara əmək haqqı verir. Rezidentura  ilə bağlı qanunda da belə bir maddə var idi ki, bu kateqoriyada təhsil alan şəxslərin maaşı həkimlərin maaşına bərabərdir” – Əmiraslanov deyib.


Səhiyyə Komitəsinin üzvü Rəşad Mahmudov da çıxışında bildirib ki, rezidentlərə 350 manat maaş verilir və bu çox aşağı məbləğdir. 


Deputatın sözlərinə görə bu rezidentlərin xarici ölkələrə üz tutmasına səbəb ola bilər. Deputat bununla bağlı parlamentdə dinləmər keçirməsini təklif edib. 


Gülnar 
www.anews.az