Bakıda 100 minlik cinayət

Baş prokuror yanında Korrupsiyaya qarşı Mübarizə Baş İdarəsində iş icraçısı Müqayis Verdiyevin qanunsuz hərəkətləri ilə bağlı Cinayət Məcəlləsinin 179.3.2 (mənimsəmə və ya israf etmə) və 308.1-ci (vəzifə səlahiyyətlərindən sui-istifadə) maddələri ilə başlanmış cinayət işinin istintaqı yekunlaşıb. Baş Prokurorluğun mətbuat xidmətindən ANS PRESS-ə verilən məlumata görə, istintaq zamanı M.Verdiyevin etibardan sui-istifadə etmə və aldatma yolu ilə özgə əmlakını ələ keçirmək məqsədilə Bakı şəhərində fiziki şəxslərdən 59 min manat dəyərində müxtəlif növ tikinti materiallarını, habelə Goranboy rayonu ərazisində aparılan tikinti-abadlıq işlərini həyata keçirən 27 nəfər usta və fəhlənin əmək haqlarının ödənilməsi üçün "Fəqan Xidmət Təşkilatı" MMC-dən nağd qaydada aldığı 21 min 138 manat məbləğində pulu mənimsəməsində və fiziki şəxs kimi 7 min 298 manat məbləğində vergiləri ödəməkdən yayınmasında şübhələr üçün əsaslar olduğundan ona Cinayət Məcəlləsinin 178.3.2(dələduzluq), 179.3.2 və 213.1-ci(vergi ödəməkdən yayınma) maddələri ilə ittiham elan edilməklə barəsində məhkəmənin qərarı ilə həbs qətimkan tədbiri seçilib. Cinayət işinin istintaqı tamamlanaraq baxılması üçün aidiyyəti üzrə Gəncə Ağır Cinayətlər Məhkəməsinə göndərilib.ANN.Az