Ötən il mehmanxana gəlirləri 1,7 dəfə artıb

2022-ci ildə mehmanxana (hotel) və mehmanxana tipli obyektlərin gəlirləri, ümumilikdə,  355,3 milyon manat olub.  Onun da 59,6 faizi nömrələrin (otaqların) təqdim olunması üzrə xidmətlərdən, 28,4 faizi ictimai iaşə xidmətlərindən, 3,0 faizi müalicə və sağlamlıq xidmətlərindən, 9,0 faizi isə digər xidmətlərin göstərilməsindən əldə edilib.

 

2022-ci ildə  mehmanxana (hotel) və mehmanxana tipli obyektlərin birdəfəlik tutumundan istifadə  4 faizə yaxın artaraq 15,7 faiz səviyyəsində olub. (2021-ci ildə  11,1 faiz). Ən yüksək göstərici 80,1 faizlə Şabranda müçahidə olunub. Digər rayonlarda- Naftalanda 37,6 faiz, Qubada 27,8 faiz, Beyləqanda 26,2 faiz, Lənkəranda 24,1 faiz, Bakıda 23,8 faiz, Ağcabədidə 20,0 faiz, Qəbələdə 19,7 faiz, Şuşada 16,7 faiz, Sabirabadda 16,2 faiz olub.