Kahramanmaraşda zərər çəkənlərə 903 manat pul veriləcək -ƏRDOĞAN

Türkiyənin on vilayətində baş vermiş zəlzələnin nəticələrini aradan qaldırmaq üçün dövlət bütün imkanlardan istifadə edib. Bunu çərşənbə günü prezident Rəcəb Tayyib Ərdoğan Qəhrəmanmanraş şəhərində deyib.

Türkiyə liderinin sözlərinə görə, episentri Kahramanmaraş vilayətində baş vermiş iki zəlzələ qurbanlarının sayı, son məlumatlara görə, 8574 nəfərə çatıb, daha 49133 nəfər xəsarət alıb. 6444 yaşayış binası dağıdılıb.

Türkiyə prezidenti episentri Kahramanmaraş olan iki zəlzələdə zərər çəkən ailələrin hər birinə dövlətdən 10 min lirə(903 AZN)  yardım alacağını açıqlayıb.

Onun sözlərinə görə, təbii fəlakət zonasının sakinləri istəsələr, Antalya, Alanya və Mersində otellərdə qala bilərlər.

Prezident bildirib ki, hökumət bir il ərzində digər fəlakətlər bölgəsində olduğu kimi zəlzələdən zərər çəkmiş 10 vilayətin sakinlərini də yeni mənzillərlə təmin etməyi qarşısına məqsəd qoyub.

Aytac Zeynalova