Dağıntılar altında qalan 4 tələbədən hələ də xəbər yoxdur

 

"Malatyadakı tələbələrdən xəbər ala bilmirik. Tələbələrdən birinin atasından və qardaşından indicə gələn mesajlar adamı dəhşətə gətirir. Tələbələri tapa bilmirlər. Deyir qazıntı aparanlar az qala binanın dibinə qədər gedib çıxırlar. Bir neçə insanın cansız bədənini çıxarıblar. Azərbaycanlı tələbələrdən isə hələ ki, heç bir iz yoxdur", - Vahidqızı facebook paylaşımında yazıb.

 

Fevralın 6-da Türkiyənin cənub-şərqində baş verən zəlzələdə 5 azərbaycanlı həyatını itirib. Onlardan biri Türkiyədə, digər 4-ü azərbaycana gətirlərək dəfn olunacaq. Bundan başqa 4 azərbaycanlının yeri müəyyən olunub.Onların sağlamlığının normal olduğu açıqlanıb. 

 

Zəlzələdən sonra 209 azərbaycanlı təxliyə olunub.

 

Son məlumatlara görə zələzlədə 29 605 nəfər həyatını itirib, 80 mindən çox yaralı var. 

 

Dağıdıcı zəlzələ qonşu ölkələrdə, o cümlədən Suriya, Livan, KKTC, Yunan Kipr və İraqda da hiss olunub.

BMT-nin baş katibi Türkiyədə baş verən zəlzələni "əsrin fəlakəti" adlanıdırıb.

 

Gülnar Nazimqızı