"Palmali" zəlzələ zonasında çadır şəhərciyi salacaq -FOTOLAR

Dəstək kampaniyasının davamı olaraq, zəlzələ nəticəsində evsiz qalan ailələr üçün çadır kəndi qurmaq məqsədilə "Palmali Holding”in İstanbuldakı könüllülərdən və şirkətin bir qrup əməkdaşından ibarət növbəti dəstə fəlakət bölgəsinə doğru yola çıxıblar. Yolasalma mərasimində Mübariz Mənsimovun özü şəxsən iştirak edib.

Bu qrupun missiyası fəlakət bölgəsində "Palmali” çadır şəhərciyini qurmaqdan ibarət olacaq. Bunun üçün artıq zəlzələ bölgəsində xüsusi yer də ayrılıb" - şirkətin açıqlamasında deyilir.

Hazırda zəlzələ bölgəsində şirkətin iki dəstə komandası zərərçəkən insanlara yardım etməyə davam edir.


Fevralın 11-də "Palmali Holdinq" in rəhbəri Mübariz Mənsimov Türkiyənin cənub-şərqində zəlzələdən zərərçəkmiş vətəndaşlara 10.000.000 TL(903.000 manat) dəyərində  yardım göndərib.

Bundan əlavə, zəlzələdən ziyan çəkmiş 3 şəhərdə şirkətin göndərdiyi aşbazlar mobil mətbəxlərdə yemək bişirərək insanlara yemək paylayacaq.

Həmçinin, "Palmali Holding”in işçiləri bir aylıq maaşlarını zəlzələdən zərər çəkənlərə yardım işlərinə bağışlayıb.

Bazar ertəsi, fevralın 6-da Türkiyənin cənub-şərqində maqnitudası yeddi baldan çox olan iki zəlzələ baş verib (yerli vaxtla saat 04.17-də - 7.7 bal və 13.24-də - 7.6 bal).

Türkiyənin cənub-şərqində baş verən dağıdıcı zəlzələ nəticəsində ölənlərin sayı  35 mini keçib.


Prezident Rəcəb Tayyib Ərdoğan təbii fəlakət qurbanları üçün Türkiyədə 7 günlük milli matəm elan edib. Türkiyənin dövlət bayraqları bütün ölkədə yarıya endirilib.

Dağıdıcı zəlzələ qonşu ölkələrdə, o cümlədən Suriya, Livan, KKTC, Yunan Kipr və İraqda da hiss olunub.

BMT-nin baş katibi Türkiyədə baş verən zəlzələni "əsrin fəlakəti" adlanıdırıb.
www.anews.az