Azərbaycanda partiya sədri saxlanılıb- RƏSMİ
21.02.2023 10:39
Azərbaycanın Ləyaqətli Övladları Vəhdəti (ALÖV) Partiyasının sədri Rza Səfərsoyun saxlanıldığı bildirilir. Bu barədə Meydan TV-yə onun yaxınları məlumat veriblər.
Bildirilib ki, o, ictimai fəal Bəxtiyar Hacıyevin həbsinə etiraz olaraq Bakı Apellyasiya Məhkəməsinin qarşısında keçirilən aksiyaya qoşularkən saxlanılıb.
Rza Səfərsoyun həyat yoldaşı da deyib ki, onunla sonuncu dəfə məhkəmənin qarşısında olarkən danışıb, həmin vaxtdan da əlaqə kəsilib.
Rza Səfərsoy isə öz feysbuk səhifəsində AXCP üzvü Əlzamin Salayevə azadlıq tələb etdiyini, 20 fevral, saat 12:00-da onun məhkəməsi keçiriləcəyini bildirib.
Rza Səfərsoyun saxlanılması xəbərini Daxili İşlər Nazirliyinin (DİN) Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev də təsdiqləyib. Elşad Hacıyev bildirib ki, Rza Səfərsoyla bağlı araşdırma başlanılıb.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
