Nuridə Allahyarova nazirlikdəki işindən ayrılıb

Mədəniyyət Nazirliyində Mədəni İrsin Qorunması, İnkişafı və Bərpası üzrə Dövlət Xidmətinin Beynəlxalq və İctimaiyyətlə əlaqələr sektorunun müdiri və nazirliyin müvəqqəti mətbuat katibliyi vəzifəsini icra edən Nuridə Allahyarova işdən ayrılıb. Bu barədə o, facebook hesabında bildirib.

 

 

"Mənim işdən getmək üçün müraciətimə baxıldıqdan sonra sizinlə paylaşmaq istəyirdim bu xəbəri, amma xəbərin emalsız ötürüldüyü dünyada yaşayırıq və məni qabaqladılar. Sizinlə işləmək xoş idi",- keçmiş mətbuat katibi vurğulayıb.

Nuridə Allahyarova ötən ilin fevralında sabiq mədəniyyət naziri Anar Kərimovun müvafiq əmri ilə nazirlikdə  Mədəniyyət Nazirliyi Yanında Mədəni İrsin Qorunması, İnkişafı və Bərpası üzrə Dövlət Xidmətinin Beynəlxalq və İctimaiyyətlə əlaqələr sektorunun müdirivəzifəyə təyin olunmuşdu.

Anar Kərimov 2022-ci il dekabrın 22-də Prezident İlham Əliyevin Sərəncamı ilə mədəniyyət naziri vəzifəsindən azad edilib.

 

Nuridə Allahyarova daha əvvəl Bakı Dövlət Universiteti, Vergilər Nazirliyi, Prezident Yanında Dövlət İdarəçilik Akademiyası, Binəqədi Rayon İcra Hakimiyyəti, "BakuBus" MMC, Bakı Nəqliyyat Agentliyi, ATV, "Space" və Dövlət Avtomobil Nəqliyyatı Xidmətində çalışıb.

Aytac Zeynalova