Müvəqqəti qeydiyyat ciddi problemlər yaradacaq - Deputat/VIDEO

Azərbaycanda müvvəqti qeydiyyatla bağlı məsələ hər hansı mexanizmlə tənzimlənməsə ciddi problemlər yaradacaq. Bunu Milli Məclisin fevralın 24-də plenar iclas zamanı deputat Fazil Mustafa deyib.

 

"Polisdə müvəqqəti qeydiyyatda olan vətəndaşlar qeydiyyatdan çıxarırlar. Havada qalanlara təklif olunur ki, qohumlarınızın evində qeydiyyata düşün. Bu gələcəkdə mülki problemlər yaradacaq. Qohumun evinə qeydiyyata düşən şəxsin həmin mənzildə bəlli bir mülki hüquq əldə edir. Düşünməliyik. Müvəqqəti qeydiyyatla bağlı hansısa bir forma müəyyən edilməlidir. Bakıya müvvəqti köçənlər qeydiyyata düşürlərsə müvəqqəti qeyiyyat prosesi olsun. Hansı mexanizmlə tənzimlənməsi müəyyən edilsin. Cİddi müzakirə edib qərar vermək lazımdır", - deputat bildirib. 

 

Azərbaycanda yaşadığı yerdən kənarda 60 gündən artıq qalan vətəndaş həmin bölgənin polis bölməsinə müraciət edərək qeydiyayta düşməlidir. 

 

Qanuna riaət etməyən vətəndaşlar İnzibati Xətalar Məcəlləsinin 563-cü maddəsi ilə inzibati məsuliyyətə səbəb olur. Vətəndaş sözügedən qaydalara əməl etmədiyi zaman ona xəbərdarlıq edilir və ya barəsində 30 manat məbləğində inzibati tənbeh tədbiri tətbiq olunur.