Rusiya və Avropa sülh sənədi üzərində ciddi addım atmır - Deputat/VİDEO

 

"2023-cü il iki aydır başlamasına baxmayaraq prezident sülh müqaviləsi istiqamətində bir çox beynəlxalq görüşlər keçirib. Rusiya və Avropada sülhlə bağlı razılaşma olsa da, görüşdən sonra mövzu yenə aktuallığını itirir. Rusiya və Avropa heç bir addım atmırlar. 75 gündür ekofəallar Laçın dəhlizində etiraz aksiya edir. 2 gün bundanq abaq da atəşkəs 15 dəfə pozulub. Problem kifayət qədər ciddiləşib. Avropanın ikili standartlara meyl etməsi göz qabağındadır. Biz özümüz iki məsələni mütləq həll etməliyik. Laçın dəhlizində gömrük və postlarımızı qurmalıyıq. Sülhməramlıların müvvəqəti olduğu yerdə silahlı erməni birləşmələrini fəaliyyətini aydınlaşdırmalıyıq. Yoxsa məsələ həllini tapmır", - Əhmədov bildirib.

 

2022-ci ildə Azərbaycan və Ermənistan tərəfləri sülh müqaviləsinin imzalanması və şərtləri ilə bağlı müxtəlif zamanlarda bir araya gəlib.
 
2022-ci il aprelin 6-da Azərbaycan və Ermənistan liderləri Brüsseldə sərhədlərin delimitasiya və demarkasiyası ilə bağlı Birgə Sərhəd Komissiya yaradılmasına, o cümlədən sülh sazişi üzərində işləməyə razılaşıblar.
 
Avqustun 30-da Brüsseldə Azərbaycan və Ermənistan liderlərinin Aİ Şurası Prezidentinin vasitəçiliyi ilə təşkil olunan daha baş tutub. Üçtərəfli danışıqlarda sülh sazişi, humanitar, sərhəd və kommunikasiyaya dair məsələlər nəzərdən keçirilib.
 
Daha sonra, Oktyabrın 6-da Praqada Azərbaycan Prezidenti İlham Əliyev, Fransa Prezidenti Emmanuel Makron, Ermənistanın Baş naziri Nikol Paşinyan və Avropa İttifaqı Şurasının Prezidenti Şarl Mişel arasında keçirilmiş görüşdən sonra verilən bəyanatda imzalayıblar. Həmin bəyanata görə, Azərbaycan və Ermənistan BMT-nin nizamnaməsinə və bir-birinin ərazi bütövlüyünü və suverenliyini tanıyan 1991-ci il Almatı Bəyannaməsinə sadiqliklərini təsdiq ediblər.
 

 

2023-cü ilin fevralında  Ermənistanın baş naziri Nikol Paşinyan bəyan edib ki, Ermənistan öz təklifləri ilə sülh müqaviləsinin yeni variantını Azərbaycana təhvil verib. Ermənistanın baş naziri bəyan edib ki, o, mümkün qədər tez bir zamanda uzunmüddətli sülh və sabitliyin qarantı olacaq sənədi imzalamağa hazırdır.

 

Fevralın 23-də ABŞ Dövlət Departamentinin spikeri Ned Prays deyib ki, yaxın günlərdə Brüseldə Şarl Mişelin sədrliyi ilə Azərbaycan və Ermənistan nümayəndələri arasında danışıqlar gözlənilir.