Azərbaycan 400-dən çox keçmiş qaçqını Qarabağa qaytarıb - Prezident

Qarabağda hərbi əməliyyatlar başa çatdıqdan sonra Azərbaycan 400-dən çox keçmiş qaçqını bu bölgəyə qaytarıb. Bunu prezident İlham Əliyev Berlində Almaniya şirkətlərinin rəhbərləri ilə görüşündə deyib.


"Biz artıq "Böyük Qayıdış" adlı hökumət proqramını işə salmışıq. Müharibə başa çatdıqdan sonra il yarım ərzində 400-dən çox keçmiş qaçqını məskunlaşdıraraq proqram hazırlamışıq və ilk pilot layihəni artıq həyata keçirmişik. daha yüz minlərlə keçmiş qaçqını məskunlaşdırmağı planlaşdırırıq”, - Əliyev bildirib.

Dövlət başçısı vurğulayıb ki, Qarabağda və Şərqi Zəngəzurda işğaldan azad edilmiş ərazilərin bərpası əsas planlardan biridir. Onun sözlərinə görə, bu planların həyata keçirilməsi böyük vəsait tələb edəcək.
 
"Biz tamamilə yeni, müasir standartlara əsaslanan layihələr həyata keçirməyi planlaşdırırıq", - prezident əlavə edib.

Əliyev bazar ertəsi Almaniyaya iki günlük işgüzar səfərə gəlib. Çərşənbə axşamı onun Almaniya prezidenti Frank-Valter Ştaynmayer və kansler Olaf Şolzla görüşü planlaşdırılır.
 
 
Gülnar Nazimqızı

www.anews.az