Bu məktəbdə 100-ə yaxın şagird dərsə getməkdən imtina edir - SƏBƏB
28.03.2023 12:55
Astaranın Motayataq kəndinin Sarvan Qurbanov adına kənd orta məktəbində 100-ə yaxın şagird məktəbə getməkdən imtina edib. Buna səbəb isə məktəbin iki müəllimin əxlaq problemi olması iddiasıdır. Bunu anews.az-a açıqlamasında şagirdlərin valideynləri açıqlamasında bildirib.
"Məktəbdə iki müəllim var ki, onların əxlaq problemləri var. Onlardan biri gənclərin çağırışaqədərki hazırlıq rəhbəri Əliyev Ramin Böyükağa oğlu, digəri isə məktəbdənkənar və sinifdənxaric tərbiyə işi üzrə təşkilatçısı Məlikzadə Rauf İlham oğludur. Bu müəllimlərin əxlaqı yerində deyilsə bizim uşaqlar ondan hansı tərbiyəni alacaqlar? Dünən məktəbin qarşısında aksiya keçirmişik və həmin müəllimlər məktəbdən çıxmayana qədər övladlarımız məktəbə getməyəcək. Bu gün 100-ə yaxın şagird məktəbə getməkdən imtina edib. Aiddiyatı qurumlar gəlib tədbir görsün", - valideynlərin söyləyib.
Məktəbin direktoru bildirib ki, bugün məktəbə 60 uşaq gəlməyib. Valideynlərin iddiasına cavab olaraq direktor söyləyib ki, baş verən hadisə faktını tapmadığı üçün şəxslən həmin valideynlər və şagirdlərə maarifləndirmə işləri aparır.
Lənkəran-Astara Regional Təhsil İdarəsindən bildirilib ki, bu iddia kənd sakini Ağayeva Elnazə Bəyəhməd qızının itib sonra tapılmasından sonra baş verib.
"Kənd sakinləri iddia edib ki, adıçəkilən xanımı məktəbin müəllimləri Əliyev Ramin və Məlikzadə Rauf oğurlayıblar. Buna görə həmin müəllimlərin məktəbdən kənarlaşdırılması istənilir. Astara hüquq-mühafizə orqanları tərəfindən verilən məlumatda, Əliyev Ramin Böyükağa oğlunun və Məlikzadə Rauf İlham oğlunun baş vermiş hadisə ilə heç bir əlaqəsinin olmadığı bildirilib", - açıqlamada qeyd olunub.
Bazar ertəsi 50-dən çox valideyn Sarvan Qurbanov adına kənd orta məktəbinin qarşısında iki müəllimin işdən çıxmasına qarşı etiraz aksiyası keçirib.
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
