McDonald's ABŞ ofislərini müvəqqəti bağlayır - The Wall Street Journal nəşri
03.04.2023 11:22
McDonald's ABŞ-dakı ofislərini müvəqqəti bağlamaq qərarına gəlib. Bu barədə "The Wall Street Journal” nəşri məlumat verib.
Qəzetin yazdığına görə, McDonald's rəhbərliyi işçilərə tədarükçülərlə bütün görüşləri və şirkətin ofislərində keçirilməsi planlaşdırılan digər tədbirləri ləğv etməyi tövsiyə edib.
"Aprelin 3-dən başlayaraq həftə ərzində təşkilat üzrə vəzifələr və işçilərin sayı ilə bağlı mühüm qərarları açıqlayacağıq", - şirkət rəhbərliyinin bəyanatında deyilir.
Nəşr ixtisar ediləcək işçilərin dəqiq sayını vermir. The Wall Street Journal yazır ki, bütün dünyada McDonald's-da ən azı 150.000 işçi çalışır, onların təxminən 70%-i ABŞ-dadır. Şirkət rəhbərliyi yanvarda işçilərin bir hissəsini ixtisar etmək niyyətində olduğunu açıqlamışdı.
Milli Biznes İqtisadiyyatı Assosiasiyasının yanvarda açıqladığı hesablamalara görə, bir neçə ay ərzində ABŞ şirkətlərinin təxminən 20%-i iqtisadi vəziyyətin pisləşməsi səbəbindən işçilərini ixtisar edə bilər. Bu günə qədər The Walt Disney Company, Amazon, Meta, Twitter, Alphabet, Microsoft, Boeing və başqaları tərəfindən işçilərin ixtisarı elan edilib.
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
