Yasamal Rayon İcra Hakimiyyətinin başçısı sakinləri qəbul edib

Azərbaycan Respublikasının Prezidenti cənab İlham Əliyevin vətəndaşların müraciətlərinin həlli ilə bağlı göstərişinə uyğun olaraq paytaxtın Yasamal rayonunda sakinlər üçün qəbul keçirilib.

 

Yasamal Rayon İcra Hakimiyyətinin başçısı Elşad Həsənov yerli sakinləri qurumun inzibati binasında qəbul edib.Tədbirdə həmçinin Yasamal RİH-in vəzifəli şəxsləri, MKTB və rayon Bəldiyyəsinin rəhbərliyi də iştirak edib. Sakinləri salamlayan İcra Hakimiyyətinin başçısı Elşad Həsənov onlardan üzləşdikləri problemlər bərədə məlumat verməyi xahiş etdi. Növbə ilə söz alan Yasamal rayonunun sakinləri  şəhid adının əbədiləşdirilməsi, mənzil növbəsi, məşğulluq, istismar müddəti bitmiş yaşayış evlərinə görə kompensasiya məbləği, qanunsuz tikililərlə mübarizə, qəzalı vəziyyətdə olan memarlıq abidələri və bir sıra sosial xarakterli məsələlər qaldırdılar.