YAP Heydər Əliyev İli çərçivəsində jurnalistlər arasında fərdi yazı müsabiqəsi elan edib
05.04.2023 19:34
Yeni Azərbaycan Partiyası (YAP) Heydər Əliyev İli çərçivəsində jurnalistlər arasında Heydər Əliyev və yeni Azərbaycan mövzusunda fərdi yazı müsabiqəsi elan edib.
Məqsəd ümummilli lider Heydər Əliyevin həyat yolunun, xalqımız qarşısında müstəsna xidmətlərinin, zəngin dövlətçilik irsinin və əbədiyaşar ideyalarının hərtərəfli tədqiq olunaraq geniş ictimaiyyətə çatdırılması və yeni nəslə aşılanması, jurnalistlərin yaradıcılıq fəaliyyətinin stimullaşdırılmasıdır.
- Tənəzzüldən intibaha: SSRİ dönəmində Azərbaycanın yüksəlişi
- Qurtuluşdan tərəqqiyə: müstəqillik dövründə Heydər Əliyevin yeni və müasir dövlət quruculuğu
- Tərəqqidən Zəfərə: Heydər Əliyev ideyaları ilə yeni zirvələrə doğru
Ən azı bir il müddətində kütləvi informasiya vasitələrində fasiləsiz çalışan şəxslər müsabiqədə iştirak edə bilərlər.
1. Yazının mövzusu təklif olunmuş nominasiyalardan birinə uyğun olmalıdır;
2. Müsabiqə iştirakçısı yalnız bir nominasiya üzrə yazı təqdim edə bilər;
3. Müsabiqə iştirakçılarının yazıları çalışdıqları mətbuat orqanlarında dərc olunmalıdır.
1. Yazı mətbu orqanda dərc olunduğu təqdirdə nəşrin 1 nüsxəsi, internet media resursunda dərc olunduğu halda isə müvafiq keçid – link təqdim edilməlidir;
2. Yazının elektron variantı (Times New Roman (12) şriftində - CD diskdə) - 1 nüsxə
3. Yazının A4 formatda çap olunmuş variantı (müəllifin imzası göstərilməməlidir) - 4 nüsxə
4. Yazıların həcmi: A3 formatında 1 səhifə (9-11 min işarə)
Şəxsiyyət vəsiqəsinin surəti
Jurnalist vəsiqəsinin surəti
Şəxsi bank rekvizitləri (hesabın aktiv olması təsdiqlənməlidir)
Qiymətləndirmə meyarları:
- mövzunun əhatə olunması, jurnalist araşdırması, əsaslandırma;
- yazının dil və üslub xüsusiyyətləri, bədii-estetik ifadəsi;
- jurnalist obyektivliyi və məsuliyyəti, dövlətçilik maraqlarının müdafiəsi.
Hər bir nominasiya üzrə I, II və III yerlər olmaqla üç iştirakçı mükafatlandırılacaq.
I yer - 700 manat
II yer - 500 manat
III yer - 300 manat
Müsabiqədə iştirak üçün yazıların qəbulu iyunun 1-i saat 18:00-dək davam edəcək.
Əlaqə telefonları: 012 490 80 33 / 077 440 02 00
Elektron ünvan: [email protected]
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
