Ermənistanda əsir düşən Azərbaycan hərbçiləri həbs olunub

İrəvan məhkəməsi Azərbaycan əsgərləri Aqşin Bəbirov və Hüseyn Axundovun Ermənistanla sərhədi qanunsuz keçməsinə görə həbs edilməsinə qərar verib. Bu barədə bazar ertəsi Ermənistan Baş Prokurorluğunun mətbuat xidməti məlumat yayıb

"Aqşin Bəbirov və Hüseyn Axundov bir qrup şəxslə qabaqcadan razılaşdırılaraq Ermənistanın dövlət sərhədini qanunsuz keçməkdə və odlu silah və sursat daşımaqda ittiham olunurlar”, - məlumatda deyilir.

 

Hərbi ekspert Üzeyir Cəfərov deyir ki, Ermənistan ona görə belə bir addım atıb ki, öz əsirlərini bizim əsirlərlə dəyişmək istəyir. 

 
"Gözlənilən adım idi. Burada təəccüblü bir şey yoxdur. Ermənistanın yeganə məqsədi Azərbaycan Ordusunun əsgərlərini şərləsin və Azərbaycanda olan erməni  hərbiçilər ilə dəyişsinlər. Əgər əsgərlər üçün cinayət işi açılmasaydı, məcbur Azərbaycana geri qaytarmalı idilər. Bundan əvvəl erməni əsgərləri Azərbaycan ərazisinə keçəndə cinayət işi qaldırmadan geri qaytarmışdıq. O zamanlar sülhməramlılar işə müdaxilə etmişdilər. İndi isə sülhməramlılar,  nə də Rusiya bu məsələyə fəallıq göstərmədilər. Mən düşünürəm ki, bu yaxın aylarda  hər iki əsgərimiz ermənilərdən bir neçəsi ilə dəyişdiriləcək. Bizim əsgərlərin əllərində silah olmayıb, sadəcə yolu azıblar. Ermənilərin dəfələrlə əsgərləri yolu azıb sərhəddi keçiblər. Biz humanistlik göstərib, geri qaytarmışıq",- ekspert vurulayıb.

Bundan əvvəl Ermənistan Müdafiə Nazirliyi bir azərbaycanlı hərbçinin aprelin 10-da, ikincisinin isə aprelin 13-də saxlanıldığını bildirib. Daha sonra Azərbaycan Müdafiə Nazirliyi bəyan edib ki, iki hərbçi itkin düşüb, onlar əlverişsiz hava şəraiti səbəbindən yerdə azmış ola bilərlər.

Əsir və itkin düşmüş, girov götürülmüş vətəndaşlarla əlaqədar Dövlət Komissiyası itkin düşən iki Azərbaycan hərbçiləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlunun Ermənistanda olmasını ehtimal edərək onların azad olunmaları ilə bağlı aidiyyəti beynəlxalq təşkilatlara rəsmi müraciət edib.