Azərbaycan Türkiyə üçün yenidən yardım ayırıb

 Azərbaycan Kahramanmaraşın yenidən qurulması üçün 100 milyon dollarlıq yardım büdcəsi ayırıb.

 Bunu Azərbaycan Milli Məclisi sədrinin müavini Adil Əliyev Kahramanmaraşda zəlzələ qurbanlarına baş çəkərkən deyib. 

"Zəlzələlərdən sonra axtarış-xilasetmə və humanitar yardım qrupu ilə Türkiyənin yaralarının sağalmasına kömək edən Azərbaycan maliyyə dəstəyini davam etdirir"- deputat vurğulayıb.

 

Fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.
 
Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Fevralın 20-də isə Hatay vilayətində 6.4 ballıq növbəti zəlzələ qeydə alınıb. Malatyada da 5.6 ballıq daha bir zəlzələ baş verib

 

Aytac