Azərbaycanda daha bir siyasi partiya ləğv olundu
29.04.2023 21:00
Azərbaycan Tərəqqi Partiyası fəaliyyətinə xitam verdiyini açıqlayıb.
Bu barədə məlumat partiyanın sədr əvəzi Vilayət Həsənovun imzası ilə yayılan bəyanatda yer alıb.
Bəyanatda qeyd olunur ki, Azərbaycan Tərəqqi Partiyası 2 fevral 1999-cu il tarixində sabiq deputatı Çingiz Sadıxovun (Dəmiroğlu) rəhbərliyi ilə təsis edilib və 2005-ci ildə rəsmi dövlət qeydiyyatına alınıb.
Onu da bildirək ki, son günlərdə Vahid Azərbaycan Milli Birlik, Aydınlar Partiyası, Azərbaycan Liberal Demokrat, Müstəqil Xalq, Azərbaycan Milli Demokrat, Yeni Yol partiyaları da fəaliyyətlərini dayandırıb.
Qeyd edək ki, 2022-ci ilin dekabrında Milli Məclisin "Siyasi partiyalar haqqında” Qanunu qəbul edib və Prezident İlham Əliyev 2023-cü ilin yanvarında qanunu təsdiqləyib. Yeni qanuna görə siyasi partiyaların 5 min üzvü olmalıdır.
Xatırladaq ki, bu günə kimi Azərbaycanda ümumilikdə 67 siyasi partiya rəsmi dövlət qeydiyyatından keçib. Yeni Azərbaycan Partiyasının (YAP) VII qurultayında Azərbaycanda fəaliyyət göstərən 6 siyasi partiyanın YAP-a qoşulması ilə bağlı qərar qəbul edilib:
– Milli Qurtuluş Partiyası
– Azərbaycan Xalq Demokratik Partiyası
– Azərbaycan Milli Hərəkat Partiyası
– Azərbaycan Kəndli Partiyası
– Azərbaycan Yurddaş Partiyası
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
