Xaçmazdakı məscid nə üçün bağlanıb? - rəsmi açıqlama

Azərbaycanın Dini Qurumlarla İş üzrə Dövlət Komitəsi Xaçmaz şəhərində məscidin bağlandığını açıqlayıb.Komitənin mətbuat xidmətindən APA-nın sorğusuna cavab olaraq bildirilib ki, “Təzə şəhər” məscidi “Təzə şəhər” dini icması tərəfindən müvəqqəti bağlı elan olunub. Bildirilir ki, məscidin müvəqqəti bağlanması təmir işlər ilə əlaqədardır: “Hazırda icmanın özü tərəfindən məsciddə təmir işləri aparılır”. Qeyd edək ki, bir qrup dini təriqət nümayəndələri Xaçmaz “Təzə şəhər” məscidinin təmirə bağlanmasını məzhəb ayrı-seçkiliyi və sünnilərə qarşı təzyiq kimi qələmə verib.ANN.Az