7 gün komada olan tanınmış jurnalist evə buraxıldı

Qanında şəkərin miqdarının artıq olması səbəbindən komaya düşərək yeddi gün komada qalan tanınmış jurnalist Zülfüqar Rüfətoğlu xəstəxanadan evə buraxdı.

ANS PRESS-in məlumatına görə, onun vəziyyəti tam düzəlib, şəkəri normallaşıb.

Jurnalistin qardaşı, Kukla teatrının direktoru Rəşad Əhmədzadə ANS PRESS-ə açıqlamasında, Zülfüqar Rüfətoğlunun müalicəsini evdə davam etdirəcəyini bildirdi: ""Şəkəri hələ də bir balaca yüksəkdi. Çox şükür, başqa problemi qalmayıb. 7 gün komada yatdı. Əlimizi üzmüşdük, heç ümidimiz qalmamışdı. Sağ olsun Azərbaycan həkimləri, qardaşımı bizə qaytardılar. Şəkəri ödünü də sıradan çıxarmışdı, həkimlər ödü çıxarldılar. İndi normal danışır, hərəkət edir. Demək olar ki, sağlamlığı yerinə qayıdıb."Zülfüqar Rüfətoğlu 1958-ci il iyunun 22-də Bakı şəhərində anadan olub. BBC Azərbaycan xidmətinin prodüseridir. 1984-1993-cü illərdə "Azərbaycan qadını", "Sovet kəndi", "Kommunist", "Xalq qəzeti" və "Azərbaycan" qəzetlərində çalışıb. 1991-ci ildə "Qızıl qələm" mükafatına layiq görülüb. "Kommunist" qəzetinin əlavəsi olan və 1989-cu ildən çıxan "Səhər" qəzetinin yaradıcılarından biri olub. 1993-cü ildə "Röyter" agentliyinin kurslarında təhsil alıb. 1995-ci ildən isə BBC Azərbaycan xidmətində işləyir.ANN.Az