Şəkidə 24 şagird və 3 müəllim zəhərlənib - YENİLƏNİB

Şəkinin Qudula kənd tam orta məktəbində 27 nəfər şəxsin - 24 şagird və 3 müəllimin zəhərlənməsi faktı üzrə Şəki rayon prokurorluğunda araşdırma aparılır. Bu barədə Prokurorluğun açıqlamasında qeyd olunub. 

"Zəhərlənmənin səbəbinin müəyyən olunması məqsədilə zəruri nümunələr götürülərək müvafiq ekspertizalar təyin edilib, eləcə də araşdırma üzrə əhəmiyyət kəsb edən digər hərəkətlər aparılıb. Hazırda araşdırma davam etdirilir", - açıqlamada bildirilib. 

 

14:55

Şəkinin Qudula kənd orta məktəbinin 24 şagirdi və 3 müəllimi zəhərlənib. Bu barədə Daxili İşlər Nazirliyinin Şəki regional qrupundan bildirilib. 

 

"Bu gün günorta saatlarında Şəki rayonunun Qudula kənd orta məktəbinin 24 şagirdi və 3 müəlliminin zəhərlənmə diaqnozu ilə xəstəxanaya müraciət etməsi barədə Şəki Şəhər Rayon Polis Şöbəsinə məlumat daxil olub. Qeyd olunan faktla bağlı araşdırmalara başlanılıb və hadisənin başvermə səbəbləri aparılan araşdırmalardan sonra məlum olacaq", açıqlamada qeyd olunub. 

Müraciət edən şəxslərin vəziyyətlərinin normal olduğu bildirilir. 

 

Şəki Regional TƏhsil İdarəsindən reporta bildirilib ki, ilkin araşdırmalara görə zəhərlənməyə məktəbdə mayın 19-da aparılmış dezinfeksiya işi səbəb olub.

 

"Mayın 23-də hava temperaturunun yüksək olması məktəbin inzibati binasının zirzəmi qatına səpilmiş dezinfeksiya maddələrinin buxarlanaraq zəhərlənməni yaratdığı ehtimal edilir", - idarədən bildirilib.