Diplomun rənginə görə nəticə çıxarmaq doğru olmaz - Deputat

Universitetlərdə fərqlənmə diplomları tələbənin yaxşı oxumasına görə verilir, məktəblərdə dərs deməsinə görə yox. Bunu millət vəkili Musa Qasımlı deyib. 

 

"Tələbə bu diplomları daha yaxşı oxumasına görə alır. Pratika iş təcrübəsinə görə deyil. Məktəblərdə işləmək üçün  müvafiq imtahanlar var.Hər kəs bu imtahnlardan keçməlidir. Razıyam ki, fərqlənmə diplomu ilə universiteti bitirənlərə müvafiq imtiyazlar tanınmalıdır. Qabaqcıl ölkələrin təcrübələrinə baxmaq lazımdır. Diplomun rənginə görə qiymətləndirmə aparmaq olmaz", - millət vəkili mayın 24-də Milli Məclisin Elm və Təhsil komitəsinin iclasında "Təhsil haqqında” qanunun müzakirəsində çıxışında deyib. 

 

Bundan əvvəl, Milli Məclisin deputatı Fəzail İbrahımli çıxışında bildirib ki, universiteti qırmızı diplomla bitirənlərən xüsusi nəzərə alınmalıdır. Onların işə qəbulunda və digər güzəştlərdə nəzərə alınması doğru olar. 

 

Gülnar Nazimqızı