Azərbaycanda 70 min vəhabinin olması xəbərinə rəsmi reaksiya

Dini Qurumlarla İş üzrə Dövlət Komitəsindən Azərbaycanda olan vəhabi təriqətinin nümayəndələrinin sayının artması ilə bağlı açıqlama verilib. Komitədən ANS PRESS-in sorğusuna cavab olaraq bildiriblər ki, Dövlət Komitəsi radikalizmə qarşı zəruri olan bütün tədbirləri həyata keçirmək istiaqəmtində olan fəaliyyətini davam etdirir: “Aparılan maarifləndirmə və konkret tədbirlər nəticəsində ölkə ərazisində xüsusi ilə regiollarda radikal cərəyanlara qoşulanların sayında artım müşahidə olunub”.Komitədən bildiriblər ki, eyni zamanda bu cərəyanların nümayəndələrinin toplaşdığı məscidlərdən şikayətlər daxil olub: “Yerli əhalinin istəyi və dəstəyi ilə adı çəkilən cərəyanların toplaşdığı iki məsciddə icmaların tərkibi dəyişdirilir”.Qeyd edək, DQİK-nin mətbuat xidmətindən bildiriblər ki, Komitə Azərbaycanda yayılan vəhabilərin sayının 70 min olması xəbərini təsdiq və inkar etmir. Həmçinin Komitədən bildiriblər ki, yayılan bu rəqəmlərdə uyğunluq var.Xartırladaq ki, bir neçə gün əvvəl Azərbaycanda “dini durumun təhlili və dünyəvilik prinsiplərinin qorunması perspektivləri” mövzusunda fəlsəfə elmlər doktoru, ekspert Aydın Əlizadənin brifinqi keçirilib. Brifinq zamanı o, bildirib ki, sələfilər cəmiyyətdə çox vaxt “vahhabi” adı ilə tanınırlar və bu cərəyana məxsus dindarların sayı yalnız son 5 ildə 100% artaraq 70 min nəfərə çatmışdır ANN.Az