Sel təhlükəsi ilə üzləşən Biləsuvardakı son vəziyyət açıqlanıb

Qurumdan  verilən məlumata görə, mayın 31-i saat 02.00 radələrində İran ərazisindən böyük su kütləsi Bolqarçay çayı vasitəsilə rayon ərazisinə daxil olub.
Selin yarada biləcəyi fəsadların qarşısının alınması və sakinlərin təhlükəsizliyi məqsədilə çayboyu yerləşən Amankənd kəndinin bir hissəsi, Yuxarı Ağalı və Muğan kəndlərinin əhalisi təhlükəsiz şəraitdə təxliyə olunub, sakinlərin mal-qarası və ətraf ərazidə heyvandarlıqla məşğul olan obalar ərazidən çıxarılıb.
Görülən tədbirlər nəticəsində hazırda suyun səviyyəsi normal vəziyyətə düşüb, sel suları heç bir dağıntı və tələfata səbəb olmayıb.
Kəndlərdən təxliyə olunan əhali öz evlərinə qayıdıb.

www.anews.az