SOCAR “Babək” strukturu ilə bağlı TotalEnergies ilə memorandum imzalayıb
02.06.2023 16:43
Xəzər dənizinin Azərbaycan hissəsində yerləşən "Babək” perspektiv strukturunda kəşfiyyat işlərini intensivləşdirmək üçün Azərbaycan Dövlət Neft Şirkəti (SOCAR) 2023-ci il mayın 10-da Fransanın "TotalEnergis" şirkəti ilə anlaşma memorandumu imzalayıb. Bu barədə SOCAR-ın birinci vitse-prezidenti Xoşbəxt Yusifzadə Bakı Enerji Forumunun ikinci günündə çıxışı zamanı məlumat verib.
Yusifzadə bildirib ki, "Babək" strukturunun ehtiyatları "Ümid" yatağının ehtiyatlarından iki dəfə çox ola bilər. Qeyd edilən yatağın ehtiyatı isə 200 milyard kubmetr təşkil edir.
Yusifzadə həmçinin bildirib ki, "Ümid” və "Abşeron” yataqlarında qazma işlərinin sürətləndirilməsi, "Babək” strukturu ilə yanaşı "Naxçıvan”, "Zəfər-Məşəl” və "Şəfəq Asiman” perspektiv strukturlarında aparılan axtarış-kəşfiyyat işlərinin nəticələrinin yenidən dəyərləndirilməsi, qeyd olunan ərazilərdə yeni quyuların qazılması və bütün bu layihələrin icrasının daha sürətli şəkildə həyata keçirilməsi SOCAR-ın qarşısında duran ən vacib məsələlər hesab olunur.
İlkin hesablamalara görə, "Babək" strukturunda 200 milyard kubmetr qaz ehtiyatı var.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
