İndi uşaqpulu məsələsinin qaldırılması etik deyil - Deputat

İndiki zamanda uşaqpulunun verilməsi ilə bağlı məsələnin əvvəlki səviyydə Milli Məclisdə qaldırılması etik deyil.  Bunu "Qaynarinfo"ya açıqlamasında Milli Məclisin deputatı Razi Nurullayev deyib.

 

"Mən və deputat həmkarlarım belə hesab edirik ki, minaların təmizlənməsinə küllü miqdarda vəsait lazımdır. Azərbaycan belə bir vəsait axtarışında olduğu zamanda uşaqlara da dövlətin pul ayırması düzgün olmaz. Belə bir təklif populizm adlandırıla bilər. Növbəti illərdə, Qarabağda əhali tam məskunlaşandan sonra uşaq pulu ilə bağlı məsələni gündəmə gətirəcəyik. Dövlətin əlində imkanları olacaqsa, uşaq pulunun verilməsi ilə bağlı qərar verəcək. Bunu mərhələ-mərhələ həyata keçirtmək olar”,- deputat vurğulayıb.

Razi Nurullayev uşaq pulu ilə bağlı məsələnin əvəllər parlamentdə daha intensiv şəkildə müzakirə olunduğunu vurğulayıb.