Dövlət orqanlarının göstərdikləri xidmətlərin keyfiyyət və məmnunluğu öyrənilib

 
Sorğu çərçivəsində müsahibə götürmək üçün ölkə üzrə ümumilikdə 1908 nəfərə müraciət olunub. Onların 1518 nəfəri (76,6%-i) sorğuda iştirak etmək üçün razılıq verib, 390 nəfəri sorğudan imtina edib.
 
Sorğuda iştirak etməyə razılıq verən şəxslərin  (1518 nəfər)  29,6%-i *450 nəfər) "bu il ərzində dövlət orqanlarına (qurumlarına) hər hansı xidmətdən istifadə etmək üçün müraciət etmisinizmi?” sualına cavabında bildirib ki,  cari ildə dövlət orqanlarının (qurumlarının) xidmətlərindən istifadə etməyib.  70,4%-i (1068 nəfər) isə xidmət almaq üçün müraciət etdiyini bildirib.
 
Ali təhsilli respondentlərin 11,4%-i, orta təhsillilərin 21,4%-i xidmətlərin göstərilmə müddətindən heç məmnun olmadığını ifadə edib.
 
Məşğulluq göstəriciləri üzrə nəzərdən keçirdikdə, dövlət sektorunda işləyənlərin 12,8%-i, fərdi əmək fəaliyyəti ilə məşğul olanların 22,4%-i və işsiz respondentlərin 29,8%-i xidmətlərin göstərilmə müddətindən heç məmnun olmadığını bildirib.
18-25 yaş qrupunda olan respondentlərin 43%-i, 36-45 yaş qrupunda olanların 51%-i, yaşı 66-dan yuxarı olanların 60%-i xidmətlərin göstərilmə müddətindən çox razı olduğunu qeyd edib.
 
Sorğu nəticələrinə əsasən, tibbi xidmətlərdən faydalanan respondentlərin 53,1%-i xidmətin göstərilmə müddətindən çox, 31%-i əsasən məmnun olub. Sorğu iştirakçılarının 5,2%-i əsasən məmnun olmadığını, 10,6%-i heç məmnun olmadığını ifadə edib.
 
İşaxtaranlara məşğulluq xidmətlərinin göstərilməsi üzrə respondentlərin 7,1%-i çox məmnun, 11,9%-i əsasən məmnun olduğunu bildirib. Sorğuda iştirak edənlərin 7,1%-i əsasən məmnun olmadığını, 73,8%-i heç məmnun olmadığını ifadə edib.
 
Ünvanlı dövlət sosial yardımı üzrə xidmətlərin göstərilmə müddətindən bu xidmətə müraciət edən respondentlərin 17,5%-i çox, 17,5%-i əsasən məmnun olduğunu bildirib. Bu xidmətdən faydalananların 3,8%-i əsasən məmnun olmadığını, 61,3%-i heç məmnun olmadığını qeyd edib.
 

www.anews.az