Ermənistan Hindistandan yeni silahlar alır - Deputat

 

"Ermənistan Hindistanla hərbi anlaşmaya imza atıb. Belə ki, Hindistandan özü hərəkət edən artirilerya, dağlıq ərazilərdə istifadə olunan qurğular alınıb. Bu ciddi narahatlıq doğurur. Hesab edirəm ki, belə halların qarşısını almaq lazımdır. Ermənistan hələ də bu cür addımlardan çəkinmir. Bir tərəfdən sülh danışıqları aparır,digər tərəfdən isə silah almaq üçün müqavilələr imzalayır. Maraqlıdır ki, bu prosesdə Fransa da iştirak edir. O Fransa ki, sülh prosesində maraqlı olduğunu göstərməyə çalışır. Bu cür halların davam etməsi gələcəkdə regionda vəziyyətin gərginləşməsi və hərbi təxribatların olması riskini artıra bilər", - deputat iyunun 13-də Milli Məclisin iclasında çıxışı zamanı deyib. 

 

Bundan əvvəl, Azərbaycan prezidenti Hindistanın Bakıdakı yeni səfiri Şridharan Madhusudhananın etimadnaməsini qəbul edərkən bildirib ki, Ermənistanın yüz milyonlarla dollar dəyərində silah alması region üçün yeni təhlükələr yaradır.

Prezident İlham Əliyev bu gün Ermənistanda revanşist qüvvələrin başını qaldırdığını, Azərbaycana qarşı ərazi iddialarının davam etdiyini vurğulayıb. O qeyd edib ki, Ermənistanın sürətlə silahlanması yeni təhlükələr yaradır.

"Əgər Ermənistan həqiqətən də Azərbaycanla sülh istəyirsə, o zaman niyə yüz milyonlarla dollar dəyərində silah alır? Belə siyasət region üçün yeni təhlükələrə gətirib çıxaracaq”, - prezident söyləyib. 

 

2022-ci ilin sentyabrında The Economic Times Hindistanın Ermənistana 20 milyard rupi (244,7 milyon dollar) dəyərində silah və sursat göndərəcəyini bildirmişdi.