Taksilərlə bağlı şərtlər sərtləşdirilməlidir - DEPUTAT

"Milli Məəclisdə səsləndirilən fikirlər həmişə cəmiyyətin diqqətində olub. Təbii ki, ən yaxşı nəqliyyat növü metrodur. Bu bütün dünyada bu cür qəbul olunub. Mən o fikirlə razı deyiləm ki, Azərbaycanda metro isdifadəçilərinin sayı azalıb. Azalma o halda ola bilərdi ki, yollarda olan tıxaclar müəyyən qədər azalardı. Amma biz hələ də görürük ki tıxac problemi hələ də var. Bu gün taksilərə olan maraq birbaşa qiymət amili ilə bağlıdır. Yəni vətəndaşlar taksilərin qiymətindən razıdırlar. Məncə taksilərin sayının azaldılması və müəyyən məhdudiyyətlərin qoyulması mövcud problemlərin həlli üçün nəzəri cəhətdən real görsənə bilər amma praktiki cəhətdən bir o qədər real görünmür”, - ekspert bildirib.

 

Ötən gün Milli Məclisin İqtisadi siyasət, sənaye və sahibkarlıq komitəsinin iclasında ölkədaxili və beynəlxalq sərnişin və yük daşımaları ilə bağlı bir sıra qanunlara dəyişikliklər müzakirəyə çıxarılıb.

"Avtomobil nəqliyyatı haqqında" qanuna dəyişikliyə əsasən, qanuna analoq taxoqraf anlayışı daxil edilir. Analoq taxoqraf avtonəqliyyat vasitəsinin hərəkətinə, о cümlədən qət edilmiş məsafəyə, hərəkətin sürətinə, habelə sürücülərin iş və istirahət dövrlərinə dair bütün məlumatları fasiləsiz olaraq qeydə almaq məqsədilə həmin avtonəqliyyat vasitəsində quraşdırılan elektromexaniki nəzarət cihazıdır.