Vahid Məhərrəmli AXCP və Milli Şuradan istefa verdi

Kənd təsərrüfatı üzrə mütəxəssis Vahid Məhərrəmli Azərbaycan Xalq Cəbhəsi Partiyasını tərk edib.

Bu barədə o, özünün Feysbuk hesabında yazıb.

"Əziz dostlar, bu gündən AXCP və Milli Şura üzvlüyündən istefa verirəm. Heç şübhəsiz ki, bu gündən sonra da ölkədə baş verən haqsızlığa, ədalətsizliyə qarşı  mübarizəmi davam etdirəcəm”, - o bildirib.

O, Meydan TV-yə istefasının partiya daxili məsələ olduğunu deyib.

"Mənə AXCP və Milli Şura üzvü olmağımla bağlı hakimiyyətdən hər hansı təzyiq olmayıb. Yəni istefam kənar təsirlərlə bağlı deyil, partiyadaxili məsələdir”.