Hazırda dünyada 84 milyon qaçqın var - BMT

 

 

Qətnamənin qəbulunda əsas məqsəd evindən, elindən didərgin düşən qaçqın və məcburi köçkünlərin acınacaqlı həyat şəraitini diqqətdə saxlamaq, onların sayının artmasının qarşısını almaq olub. 
 
Rəsmi statistikaya görə, Azərbaycan əhalisinin 1,2 milyonu və ya 12,4 %-i qaçqın və məcburi köçkünlərdir. Dünyada hər 122 nəfərdən biri qaçqın və məcburi köçkün olduğu halda, Azərbaycanda hər 8 nəfərdən biri qaçqın və məcburi köçkün həyatı yaşayır.

 

 

"Son 100 ildə Ermənistan Azərbaycana 4 dəfə təcavüz edib. 80-cı illərin sonunda Ermənistanda soydaşlarımıza qarşı törədilən soyqırımlar nəticəsində 300 minə yaxın azərbaycanlı Azərbaycana qaçmağa məcbur olub. 90-cı illərin əvvəlində Orta Asiyadan 50 mindən çox Axısxa türki qaçaraq ölkəmizə pənah gətirib. 90-cı illərin əvvəlində Ermənistanın Azərbaycan ərazilərini işğal etməsi nəticəsində 20 mindən çox azərbaycanlı öldürülmüş, 50 mindən çoxu yaralanmış və 750 mindən çoxu isə məcburi şəkildə öz yurdlarını tərk etməyə məcbur olub",- deputat vurğulayıb.

 

 

"İlin sonuna qədər 2000 nəfərin öz doğma yurdlarına qayıtması üçün dövlət tərəfindən böyük layihələr icra edilir. Hesab edirəm ki, dövlətimizin iqtisadi imkanları çərçivəsində yaxın illərdə keçmiş məcburi köçkünlər öz doğma yurdlarına qayıda biləcəklər.  Bu gün məcburi köçkün adı artıq keçmişdə qalıb. Amma qaçqınlarla bağlı problem təəssüf ki, həll olunmayıb. Prezident İlham Əliyevin sərəncamı ilə Qərbi Azərbaycan İcması üçün inzibati bina verilir. Bu binada Qərbi Azərbaycanlılar tədbirlər keçirir və öz yurdlarına qayıtmmaq üçün işlərə başlanılıb. Artıq qaçqın problemi Qərbi Azərbaycan İcması tərəfində beynəlxalq platformalara çıxarılır",- deputat əlavə edib.

 

Sovet hakimiyyəti dövründən sonra isə 1988-1994-cü illərdə Ermənistanın Azərbaycan Ərazisindəki işğalı nəticəsində 1 milyondan çox azərbaycanlı qaçqın olub.

 

2008-ci ildə Prezident İlham Əliyev Qaçqın və məcburi köçkünlərlə bağlı 1 fərman, 2 sərəncam imzalayıb, Nazirlər Kabineti 8 qərar və sərəncam qəbul edib.