2 tondan çox at ətini mal əti kimi satmağa cəhd edən şəxs saxlanılıb - VİDEO

Cəlilabadda qidaya yararsız at ətini mal əti adı altında satan rayon sakini S.Abbasov saxlanılıb.

Daxili İşlər Nazirliyinin (DİN) Mətbuat xidmətindən  verilən xəbərə görə, həmin şəxs Cəlilabad və ətraf rayonlardan xəstə, artıq təsərrüfatda istifadə edilməyən, ölmüş atları ucuz qiymətə alaraq həyətyanı sahəsində emal edəndən sonra mal əti adı altında satışı ilə məşğul olub.


S. Abbasovun Cəlilabad rayonunun Maşlıq kəndində yerləşən həyətyanı sahəsinə və saxlanc yerinə baxış keçirilərkən qidaya yararsız 2 tondan çox at əti maddi sübut kimi götürülüb. 

Təyin olunmuş müvafiq ekspertizalar zamanı aşkar olunmuş ətin qidaya yararsız və insan sağlamlığı üçün ciddi təhlükə mənbəyi olduğu təsdiq edilib. 

Faktla bağlı araşdırmalar davam etdirilir.



www.anews.az