Doğma çay “Azerçay” hərbi-idman yarışlarını dəstəklədi- FOTOLAR

20.06.2023 19:24

Hər zaman ölkəmizi yerli və beynəlxalq yüksək səviyyədə təmsil edən "Azerçay” bu dəfə də Şahin” hərbi-idman oyununu və "Cəsur kadet” yarışlarını dəstəkləyib.

15 iyun 2023-cü il tarixində Mingəçevir şəhərində "Kür” Olimpiya Tədris-İdman Mərkəzində məktəblilər arasında "Şahin” hərbi-idman oyunu,16-18 iyun tarixlərində isə "Cəsur kadet” yarışı keçirilib.

Azərbaycanın Gənclər paytaxtı olan Mingəçevirdə Elm və Təhsil, Gənclər və İdman, Müdafiə, Fövqəladə Hallar nazirlikləri, Səfərbərlik və Hərbi Xidmətə Çağırış üzrə Dövlət Xidməti və Veteranlar Şurasının birgə qərarı ilə ümumtəhsil məktəblərinin VIII-X sinif şagirdləri arasında keçirilən "Şahin” hərbi-idman oyunlarının final mərhələsinə start verilib.

Əvvəlcə xalqımızın ümummilli Lideri Heydər Əliyevin və Azərbaycanın suverenliyi, ərazi bütövlüyü və torpaqlarımızın azadlığı uğrunda canından keçən şəhidlərimizin xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Gənclər və idman naziri Fərid Qayıbov "Şahin” hərbi-idman oyunlarının yeniyetmə və gənclərin hərbi vətənpərvərlik tərbiyəsi işinin gücləndirilməsində və məktəblilərin hərbi xidmətə hazırlıq səviyyəsinin yüksəldilməsində əhəmiyyətini vurğulayıb.

Respublikanın 10 müxtəlif şəhər və rayonundan (Bakı, Sumqayıt, Naxçıvan şəhərləri, Bərdə, Lerik, Neftçala, Qax, Samux, İsmayıllı və Nizami rayonları) ümumilikdə 150 nəfərin iştirakı ilə keçirilən idman oyunlarının final mərhələsi iyunun 16-dan 18-dək "Kür” Olimpiya Tədris-İdman Mərkəzində baş tutub. Qaliblər diplom və kubokla mükafatlandırılıblar.

Eyni zamanda markanın dəstəyi ilə Mingəçevir şəhər Heydər Əliyev meydanında şəhər icra hakimiyyəti və Gənclər və İdman Nazirliyinin təşkilatçılığı ilə Ulu Öndər Heydər Əliyevin 100 illiynə və 15 İyun-Milli Qurtuluş Gününə həsr olunmuş konsert proqramı keçirilib.

Dünyanın 40 dan çox ölkəsində Azərbaycan çay mədəniyyətini təmsil edən, Azərbaycan çay adət-ənənələrini qoruyub saxlamaq missiyasını öz üzərinə götürən Doğma çay "Azerçay” yenə də öz ənənəsinə sadiq qalaraq bu yarışda gələn bütün qonaqlara və iştirakçıları çay süfrəsinə qonaq edib.

www.anews.az

Xəbəri bəyəndiniz?

Sosial şəbəkələrdə paylaş