Bakıda təmir olunan məktəblərin sayı açıqlanıb

 

Etiyac olan ərazilərdə 7 yeni məktəbin (Binəqədi qəsəbəsi, Binə, Binə Atçılıq və Qala yaşayış sahəsi, Kürdəxanı, Xocasən qəsəbəsi, Yeni Yasamal yaşayış massivi) tikintisi tamamlanıb.

BŞTİ-nin tabeliyində fəaliyyət göstərən 4 məktəbəqədər təhsil müəssisəsində (257, 277, 215, "Çiçək”) əsaslı təmir işləri aparılıb. Suraxanı rayonu, Hövsan qəsəbəsində 2 yeni məktəbəqədər təhsil müəssisəsinin binası tikilərək istifadəyə verilib. Həmçinin hazırda 4 məktəbəqədər təhsil müəssisəsində (101, 99, 116, "A.Məmmədov” adına) təmir işləri aparılır, eyni zamanda 1 məktəbdə (313) əsaslı təmir işlərinə və əlavə korpusun tikintisinə başlanılıb.

 

Azərbaycanda  900-ə yaxın qəzalı və yararsız vəziyyətdə olan məktəb var. Bunu Elm və Təhsil Nazirliyinin təsərrüfat hesablı əsaslı tikinti və təchizat idarəsinin rəis müavini Fərhan Əliyev bildirib.

 

"Ümumilikdə 3500 məktəbdə vəziyyət yaxşıdır. Qəzalı məktəblərimiz var, biz bunu bilirik. 900 belə məktəbi eyni anda tikib təhvil vermək çətindir. Hər il təxminən 70-80 məktəbi təmir edirik. Təmir etdikcə digər məktəblər də sıradan çıxa bilər",- Fərhan Əliyev bildirib.

 

Rəis müavini həmçinin Füzuli, Cəbrayılda və Zəngilanda 960 yerlik məktəblərin tikildiyini vurğulayıb.

 

Elm və Təhsil naziri Emin Əmrullayev də həmçinin Azərbaycanda 800-dən çox məktəbin qəzalı vəziyyətdə olduğunu açıqlamışdı.

Ümumilikdə Azərbaycanda 4500 məktəb var.