Söyüdlü kəndindəki hadisə planlı şəkildə hazırlanıb - VİDEO

Gədəbəyin Söyüdlü kəndindəki hadisə planlı şəkildə hazırlanıb. Bunu deputat Elman Nəsirov deyib. 

"Birdən-birə heçnə baş vermir. Proseslər idarə olunur. Baş verən hadisənin təşkilatçıları arasında Gədəbəyin keçmiş icra başçısı Saleh Rüstəmovun və keçmiş deputat Nazim Məmmədovun adı çəkilir. Məqsədyönlü və planlı şəkildə təxribatın əsası qoyulub. Nəticədə Azərbaycan polisinə qarşı sosial şəbəkələrdə təhqirlər səsləndirilir”, - deputat iyunun 23-də Milli Məclisin plenar iclasında çıxışı zamanı deyib. 


Millət vəkili Arzu Nağıyev bildirib ki, baş verən hadisəni daha sivil qaydada həll etmək olardı.


Millət vəkili Ceyhun Məmmədov sosial şəbələrə nəzarətlə bağlı qanunun olmasının vacibliyini vurğulayıb.


"Nə qədər mənəviyyatdan uzaq olasan ki, Söyüdlü kəndindəki hadisəni Xocalı hadisələri ilə eyniləşdirəsən. Mətbuat sosial şəbəkələrə uduzur. Media haqqında qanuna dəyişiklik edilməsinə ehtiyac var. Bir sıra qüvvələr sosial şəbəkələri söyüş meydanına çevirib. Sosial şəbəklərlə bağlı ciddi işlər aparılmalıdır”, - deputat deyib. 

Deputat Azər Badamov söyləyib ki, Azərbaycan sabit ölkədir. Baş verən hadisəni daha sivil qaydada həll etmək olardı.


"Azərbaycanın daxili və xarici düşmənləri çoxdur. Plakatların qabaqcadan hazırlanması, qərəzli çəkilişlər kifayət qədər hazırlanmış ssenari olduğunu göstərir. Polisə daş atmadan da həll etmək olardı. Emosiyalara qatılmaq çıxış yolu deyildi”, - deputat bildirib. 


Millət vəkili Etibar Əliyev baş verən hadisədə SOROSU günahlandırıb və prosesdə onların əli olduğunu deyib. 

Gülnar Nazimqızı
www.anews.az