7 aylıq və ondan yuxarı yaşda heyvanların kəsimi daha faydalıdır- Baytarlıq müfəttişi

Xırdabuynuzlu heyvanların 7 aylıqdan daha yuxarı olduqda kəsilməsi daha məqsədəuyğundur. Bunu Azərbaycan Respublikası Qida Təhlükəsizliyi Agentliyinin (AQTA) şöbə müdiri, respublikanın baş dövlət baytarlıq müfəttişi Qalib Əbdüləliyev bildirib.

O bildirib ki, ümumiyyətlə xırdabunuzlu heyvanların 7 aylıqdan kiçik yaşda kəsilməsi qoyunçuluq təsərrüfatlarının aşağı salınması deməkdir.

 

"Belə hallar iqtisadi baxımdan yaxşı deyil. Çox hallarda dişi heyvanların kəsilməsinə şərait yaradılır. Bu da qoyunçuluğun inkişafa mənfi təsir göstərir.  Budan başqa daimi olaraq idxaldan asılılığa və ixrac potensialının zəifləməsinə gətirib çıxarır",- Qalib Əbdüləliyev qurban bayramı günlərində heyvan kəsimi və satışı fəaliyyətlərinə həsr olunmuş brifinqdə bildirib.