Sabiq deputat Söyüdlüdəki aksiyaya görə saxlanılıb - Vəkil

Nazim Baydəmirli Milli Məclisin III çağırış Gədəbəydən seçilən deputatı olub.

 

İyunun 20-si günorta saatlarında Gədəbəy rayonu Söyüdlü kəndində bir qrup şəxs kənd ərazisində inşa olunan süni gölün tikintisinə qanunsuz müdaxilə edib.
 
İyunun 21-i isə kəntdə polislərlə sakinlər arasında növbəti dəfə qarşıdurma yaşanıb. Kənd sakinləri aksiyada saxlanılanların sərbəst buraxılması üçün rayon polis idarəsinə doğru yürüş etməyə çalışıblar. Lakin polis sakinlərə mane olub.
 
Baş nazir Əli Əsədovun sərəncamı ilə Gədəbəy rayonunun Söyüdlü kəndində tullantıxana sahəsində monitorinqlərin aparılması və mövcud vəziyyətin qiymətləndirilməsi məqsədilə Komissiya yaradılıb.
 
Ekologiya və təbii sərvətlər naziri Muxtar Babayev Komissiyanın sədri təyin edilib. Ekologiya və Təbii Sərvətlər nazirliyindən bildirilib ki, kəntdə monitorinqlərin keçirilməsi davam edir. 
 
Milli Məclisin deputatları Söyüdlüdəki hadisəni kimlərsə tərəfindən bilərək keçirildiyini bəyan edib. Deputatlar müəyyən qüvvələrin əli olduğunu və bilərək vətəndaşla-polisi üz-üzə qoymaq məqsədi olduğunu qeyd edib. 
 
Aksiyadan sonra 5 nəfər kənd sakini saxlanılıb. 

 

Gülnar Nazimqızı